ឱសថធម្មជាតិសម្រាប់ព្យាបាលជំងឺតតម្រង់នោម
យើងទាំងអស់គ្នាដឹងស្រាប់ហើយថា តម្រង់នោមគឺជាផ្នែកមួយនៃសរីរាង្គដ៏សំខាន់បំផុតនៅក្នុងរាងកាយរបស់មនុស្ស ។ តម្រងនោមមានតួនាទីច្រោះយកសារធាតុដែលមានគ្រោះថ្នាក់និងជាតិពុលចេញពី ឈាម បញ្ចេញចោលតាមទឹកនោម។ក៏ប៉ុន្តែប្រសិនបើតម្រង់នោមមានបញ្ហា សរីរាង្គមួយចំនួននៅក្នុងរាងកាយរបស់យើងច្បាស់ជាជួបនូវបញ្ហាជាបន្តបន្ទាប់ដូចគ្នា។
ដូច្នេះហើយដើម្បីកម្ចាត់ការមេរោគដែលចម្លងចូលទៅក្នុងតម្រង់នោមអ្នកគួរតែប្រើប្រាស់ឱសថធម្មជាតិ មួយចំនួនដូចខាងក្រោម៖
ខ្ញី
ខ្ញីគឺជាឱសថដ៏មានប្រជាប្រិយបំផុតសម្រាប់ព្យាបាលជំងឺមួយចំនួន ហើយវាក៏មានប្រសិទ្ធិភាពអាចព្យាបាលជំងឺតម្រង់នោមផងដែរ។ ខ្ញីមានធាតុផ្សំសកម្មត្រូវបានគេស្គាល់ថា អាចធ្វើការរារាំងការរីករាលនៃបាក់តេរីនៅក្នុងតម្រងនោម ។ សម្រាប់ការព្យាបាលការឆ្លងមេរោគតម្រង់នោមអ្នកអាចបរិភោគតែខ្ញីជំនួសតែជាធម្មតា។
រមៀត
រមៀតឱថសធម្មជាតិដ៏ខ្លាំងពូកែក្នុងការដោះស្រាយការបង្ករោគក្នុងតម្រង់នោមនិងបង្កើនល្បឿនដំណើរ ការតម្រង់នោមឲ្យងើបឡើងវិញ ។ រមៀតមានធាតុផ្សំសកម្មដែលគេស្គាល់ថាជាសារធាតុCurcumin ជាភ្នាក់ងារដ៏ពិសេសមួយក្នុងការរារាំងការរីកចម្រើន និងការរីករាលដាលនៃគ្រប់ប្រភេទអតិសុខុមប្រាណប្រឆាំងនឹងបាក់តេរី, ប្រឆាំងនឹងការរលាក ព្រមទាំងមេរោគផ្សិត។ អ្នកអាចប្រើប្រាស់ម្សៅរមៀតសុទ្ធ ឬលាយវាជាមួយអាហារក៏បាន។
ខ្ទឹមស
ខ្ទឹមសជាជម្រើសដ៏ល្អក្នុងការទប់ស្កាត់ការឆ្លងរោគរម្រងនោម។ ខ្ទឹមសមានសក្តានុពលក្នុងការព្យាបាលការឆ្លងមេរោគលើតម្រង់នោម ព្រោះវាមានផ្ទុកសារធាតុ Allicin ដែលដើរតួនាទីប្រឆាំងនឹងបាក់តេរី ប្រឆាំងការរលាក ព្រមទាំមេរោគផ្សិត ។ អ្នកអាចទទួលទានខ្ទឹមសទាំងឆៅពី ៣ ទៅ ៤ កំពឹស គឺអាចដោះស្រាយការឆ្លងមេរោគតម្រងនោមក្នុងរយៈពេលប៉ុន្មានថ្ងៃ។
ទឹកជីវ៉ាន់ស៊ុយ
កុំមើលងាយជីវ៉ាន់ស៊ុយ វាក៏មានប្រសិទ្ធភាពក្នុងការប្រឆាំងនឹងការឆ្លងជំងឺតម្រងនោមយ៉ាងល្អបំផុតដែរ។ ទឹកជីវ៉ាន់ស៊ុយអាចបម្រើការសម្អាតតម្រងនោម ហើយបញ្ចេញចោលជាតិពុលដែលមានវត្តមាននៅក្នុងវា។ សារធាតុចិញ្ចឹមជាច្រើនដូចជា៖ A, C, B, ប៉ូតាស្យូម, សូដ្យូម, ស្ពាន់... សុទ្ធតែមានអត្ថប្រយោជន៍សម្រាប់រាងកាយ។ យកស្លឹកជីវ៉ាន់ស៊ុយទៅដាំឲ្យពុះក្នុងរយៈពេលយូរ ហើយមកផឹកវានៅពេលដែលត្រជាក់។
តែ
តែគឺជារុក្ខជាតិមួយប្រភេទដែលល្អបំផុតសម្រាប់សុខភាពរបស់យើងគ្រប់គ្នា។ ការផឹកតែជារៀងរាល់ថ្ងៃមានប្រសិទ្ធិភាពក្នុងការព្យាបាលមេរោគដែលឆ្លងចូលទៅក្នុងតម្រងនោម ដូច្នេះអ្នកគួរតែផឹកតែយ៉ាងហោចណាស់ មួយថ្ងៃឲ្យបានពីរដងដែរ។
ប្រទាលកន្ទុយក្រពើ
ប្រទាលកន្ទុយក្រពើគឺជាឱសថដ៏ពូកែស្ទើរតែត្រូវគ្រប់ផ្នែកទាំងអស់នៃរាងកាយរបស់យើង សូម្បីតែការឆ្លងមេរោគតម្រងនោមក៏អាចព្យាបាលបានដែរ។ ប្រទាលកន្ទុយក្រពើមានប្រសិទ្ធភាពប្រឆាំង នឹងកម្ចាត់ចេញនូវជាតិពុលពីក្នុងខ្លួនយ៉ាងមានប្រសិទ្ធិភាព។ ជាពិសេសអ្នកត្រូវប្រើទឹកប្រទាល់កន្ទុយក្រពើចំនួនពីរដងក្នុងមួយថ្ងៃ។
វីតាមីន C
វីតាមីន C មានសារៈសំខាន់ខ្លាំងណាស់ព្រោះវាអាចបង្កើនកម្រិតអាស៊ីតក្នុងតម្រងនោម ដែលធ្វើឲ្យបាក់តេរីនៅក្នុងតម្រងនោមមិនអាចលូតលាស់បាន។ ដូច្នេះអ្នកគួរតែញ៉ាំទឹកក្រូចសុទ្ធ ឬផ្លែក្រូចផ្សេងៗជារៀងរាល់ថ្ងៃ។ ទោះជាយ៉ាងណាប្រសិនបើអ្នកមិនចូលចិត្តផ្លែក្រូច អ្នកអាចប្រើប្រាស់ថ្នាំគ្រាប់វីតាមីន C មួយថ្ងៃម្តងជាពិសេសក្នុងពេលញ៉ាំអាហារពេលព្រឹក។
ទទួលទានទឹកឲបានច្រើន
ការផឹកទឹកឲ្យបានច្រើនគឺជារឿងមួយដ៏សំខាន់ដែលអាចជួយឲ្យអ្នកជៀសផុតពីការកើតជំងឺគ្រោះក្នុងតម្រងនោម នឹងរក្សាតម្រងនោមឲ្យនៅខ្លាំង។ ដូច្នេះអ្នកជំងឺគ្រោះក្នុងតម្រងនោមអាចចាប់ផ្តើមបង្កើនការផឹកទឹកឲ្យបានច្រើន ឬផឹកទឹកក្រូចឆ្មាស្រស់មួយកែវជារៀងរាល់ថ្ងៃ៕
ដោយ៖ មង្គលការ
