ក្រៅពីក្រអូបផ្អែមឆ្ងាញ់
ផ្លែខ្នុរមានប្រយោជន៍ច្រើនចំពោះសុខភាព
ខ្នុរជាផ្លែឈើមួយប្រភេទដែលពេញនិយមសម្រាប់ប្រជាជនកម្ពុជា
ដោយសារតែវាមានរសជាតិផ្អែមឆ្ងាញ់ពិសា
និងមានក្លិនក្រអូបគួរឲ្យចង់ញ៉ាំ។ មិនត្រឹមតែប៉ុណ្ណោះទេ
ខ្នុរក៏មានប្រយោជន៍យ៉ាងច្រើនចំពោះសុខភាពជាច្រើនផងដែរ
ដូចបង្ហាញខាងក្រោមនេះស្រាប់៖
១. ផ្លែខ្នុរផ្ទុកជាតិប៉ូតាស្យូម
ដែលអាចជួយរក្សាសំពាធឈាមឲ្យមានតុល្យភាព
និងបង្ការហានិភ័យជំងឺដាច់សរសៃឈាមក្នុងខួរក្បាល។
២. សាច់ខ្នុរមានសារធាតុកាបូនអ៊ីដ្រាត
និងជាតិស្ករដែលជួយឲ្យអ្នកមានកម្លាំង ហើយជាពិសេសវាអាចជួយឲ្យដំណើរឈាមរត់ទៀងធម្មតា។
៣. ផ្លែខ្នុរមានផ្ទុកវីតាមីនសំខាន់ៗដូចជាវីតាមីនC ដែលជួយការពារប្រព័ន្ធភាពស៊ាំប្រឆាំងជំងឺ
និងមានសារសំខាន់ជួយរក្សាស្បែក ធ្មេញ និងឆ្អឹង
ម៉្យាងទៀតវាក៏មានផ្ទុកវីតាមីនA ដែលជាជំនួយដល់ភ្នែកផងដែរ។
៤.
សារធាតុពណ៌លឿងស្រស់របស់សាច់ខ្នុរដើរតួជាសារធាតុអុកស៊ីតកម្មជួយការពារកោសិកា
និងប្រឆាំងទៅនឹងជំងឺមហារីក
ហើយជាពិសេសទៅទៀតនោះគឺជួយពន្យារភាពចាស់ទៀតផង។
៥. ខ្នុរផ្ទុកសមាសធាតុល្អៗ ជាច្រើន ដូចជា កាល់ស្យូម
ម៉ាញេសូមសម្រាប់ការពារធ្មេញ និងឆ្អឹង
ជាតិដែកសម្រាប់ការផលិតគ្រាប់ឈាមក្រហម និងជាតិទង់ដែងដែលជួយរក្សាតុល្យភាពនៃការផលិតអ័រម៉ូន
ព្រមទាំងជួយបន្ថយអាការៈអន្ទះអន្ទែងផងដែរ។
៦. ញ៉ាំផ្លែខ្នុរមានជាតិសរសៃFiber ដែលវាពិសេសសម្រាប់ជួយដល់ប្រព័ន្ធរំលាយអាហារដំណើរការបានល្អ៕
